Ang isang gabing pananatili ko sa condo ni Cielo ay nauwi sa isang buong araw. Hindi na ako nakauwi dahil gabi na at malakas ang ulan kaya naman nagpasiya akong doon na lang muna tumuloy. Binalak ko na lang na maunang gumising sa kaniya at iwan siya, as if siya ang kinuhanan ko ng virginity para i-s*x and run.
Kaso lang, nagising akong sobrang sakit ng ulo. Nang kapain ko ang noo at leeg ko ay halos mapaso ako sa init at sa sobrang sama ng pakiramdam ay umiikot ang paningin ko kahit nakahiga.
Kahit masakit ang ulo ay pilit kong iminulat ang mga mata ko. Bumungad sa akin ang medyo may kadilimang kwarto dahil nakapatay ang ilaw at tanging lampshade lang ang nagbibigay liwanag. Bahagyang nakaawang ang kurtina sa bintana kaya naman nakita ko ang lagay ng panahon sa labas. Umaga na pero mak
