"Anong ginagawa mo rito? Aba'y sa pagkakaalam ko ay hindi ka pa pumarito pero paano nalamang nandito ako sa Baguio?"
Ang mga katagang unang nanulas sa labi ng dalaga nang iminulat ang mga mata.
"Kakaiba ka naman kapatid. Aba'y imbes na tanungin mo kung okay lang siya o 'di naman kaya ay kumustahin mo." Napailing tuloy si Jervin dahil sa inasta ng kapatid.
"Tsk! Tsk! Alam kong mas malakas pa iyan sa kalabaw kaya't hindi na kailangan pang itanong iyan."
"Ngayon, inuulit kong itanong kung ano ang ginagawa mo ritong briton ka. Saan mo nalaman ang tungkol sa Baguio?"
Pinaglipat-lipat naman ng dalaga ang paningin sa lalaking aminin man niya o hindi ay mahal na mahal niya at sa kapatid na mukhang naging malapit agad sa parang kabuteng bigla na lamang sumulpot.
Kaso...
"Hindi ko alam kung
