Chelsea’s POV
HINDI ko alam kung saan ba kumukuha ng tatag ng loob itong si Nikolas na kahit anong pakiusap ko ay hindi nakikinig.
Baliw na ba ang lalaking ito?
‘Oo baliw na, baliw na baliw sa ’yo.’ Anang isip ko.
Siniko ako ni Emilio nang makita nila si Nikolas na nag-aabang sa may gate ng school.
“Naku, Chelsea, nandiyan na naman ang masugid mong manliligaw. Hindi ba pinagsabihan mo na siya na tigilan ka na niya? Bakit parang hindi yata nakikinig sa ’yo? Hindi ba siya nakakaintindi?” sabi ni Emilio.
“Ilang beses ko na kayang pinagsabihan ’yang si Nikolas. Pero sadyang matigas talaga ang ulo ng lalaking ’yan. Ako ang ipahahamak niya dahil sa ginagawa niyang pagmumulit na kausapin ako,” inis na sabi ko.
Napakamot ako sa batok ko dahil nawawalan na ako ng pasensya sa kanya.
Nagla
