Chelsea’s POV
PINUNTAHAN ko sa kulungan si ate Camila. I want to see her inside the cell. Hinintay ko siya sa visitor’s area. Habang naghihintay hindi ko mapigilang magtagis ang mga bagang ko dahil sa matinding galit na nararamdaman ko para sa kanya.
Hindi ko maintindihan kung bakit ganoon na lang ang galit niya sa akin. Kapatid niya ako bakit gusto niya akong mamatay. Ako na ang kusang lumayo sa kanila kaya wala siyang maisusumbat sa akin.
Napaangat ako ng tingin ng dumating si ate Camila. Hawak siya ng dalawang jail guard habang nakaposas ang kanyang dalawang kamay.
Umupo siya sa may tapat ko. Seryoso ko siyang tiningnan. Napayuko si ate Camila.
“Alam kong ako ang iniisip mong pumatay sa kapatid mo. Pero nagkakamali ka. Hindi ko magagawang pumatay. Inaamin kong nagalit ako sa iy
