Chelsea’s POV
NAPATINGIN ako sa bago naming bahay na titirahan kasama ng mga kapatid ko.
“Ate, bakit pa tayo umalis doon kay Lola, baka hanapin niya tayo?” sabi ng kapatid kong si Lyka. Hinaplos ko ang buhok ng kapatid ko.
“Mas mabuti nang malayo tayo sa kanila. Masyadong delikado kung mag-stay pa tayo doon. Hayaan ninyo hindi ko kayo pababayaan. Magtatrabaho ang ate para makapag-aral kayo. Pinapangako kong makakapagtapos kayo ng pag-aaral dahil gusto kong matupad ninyo ang mga pangarap ninyo sa buhay.”
“Paano naman ang pag-aaral mo, ate? Sayang naman kung hihinto ka pa. Mahirap ang walang natapos sa pag-aaral,” sabi naman ng pangalawa kong kapatid na si Lorna.
“Mag-aaral pa rin ako, pero sa gabi nga lan. Sa umaga magtratrabaho ako. Kaya dapat mag-aral kayong mabuti para hindi kayo
