Nikolas’s POV
TINAWAGAN ako ni Larius para ibalitang nasa hospital si Chelsea.
Pagkababa pa lang ng cell phone ko ay biglang bumalik muli sa akin ang alaala ng nakaraan kung saan nabangga ang sasakyan ng asawa ko.
Nilukuban ako ng takot nang sabihin ni Larius na malubha si Chelsea dahil sa impact ng pagkakabangga niya ng kotse. Wala na akong hinintay pang pagkakataon ay kaagad akong pumunta ng ospital na sinabi ni Larius.
Halos paliparin ko ang aking sasakyan marating ko lang ang ospital. Kaba at takot ang lumukob sa akin habang nagmamaneho ako. Natatakot akong baka magaya si Chelsea sa nangyari sa ate niya. Hindi ko papayagang mangyaring muli iyon. Masasaktan ang aking anak.
‘Anak mo ba ang masasaktan o ikaw?’ Singit ng isipan ko.
Narating ko ang hospital. Nandoon na si Larius
