ANDROMEDA
Isipin mo kapag naimbitahan ka sa isang malaking event. Maraming tao. At hindi lang sila basta-basta dahil puro sila mayayaman, magagara ang kasuotan, may pangalan, at may posisyon.
Isipin mo kapag sinabing bababa ka sa isang malaki at mahabang hagdan. Tapos may spotlight na nakatutok sayo. Syempre sayo lang sila nakatingin 'di ba? Wala ng iba.
Isipin mo kapag ipapakilala ka na nila sa mga tao. Ibubunyag ang iyong pagkakakilanlan. Na ikaw ang nag-iisang anak ng alamat na si Petunia Crealle.
Pero kapag sinabi 'yon ng tao, siguradong ang susunod na itatanong ay sino ang kanyang ama? At nakakatawa kasi sa tuwing naiisip ko 'yon, ang tanging naisasagot ko lang ay pareho lang po tayo ng tanong.
At isipin mo kapag lahat ng 'yon ay nagsama-sama sa
