Juniper’s POV
“Ngayon, ako naman ang magtatanong sa ‘yo. Anong dahil at nagawa mong habulin siya? Ikaw ba ang nagloko o siya? Ikaw naman ang magpaliwanag sa akin ngayon, Juniper?” tanong niya.
Nakakatuwa na ganito ang inumpisahan kong topic sa kaniya. Pagdating kasi sa ganitong usapin ay parang ang seryoso niya masyado. Saka, ang honest niyang sumagot. Lahat talaga nang naranasan niya at natutunan niya sa pag-ibig ay parang binabahagi niya sa akin.
“Ako ang nagloko, Dax. Pero mas magandang sabihin kung ako pala ang may mali,” pag-aamin ko sa kaniya.
Napailing siya matapos marinig ang sagot ko. Inaasahan ko na ‘yun.
“Bakit naman? Anong ginawa mo? Bakit ganoon ka?” tanong niya na parang dismayado.
“Pero may dahilan naman kasi. Dax, alam mo ba ‘yung pakiramdam na parang ang boring na ni
