Dax's POV
Alas sais na ng gabi nang makarating ako sa Walton Village. Dapat alas siyete pa ng gabi ako makakauwi, pero dahil nakita ni Juniper na napagod ako sa pagiging isang crew sa lugawan ni Aling Belen ay maaga niya akong pinauwi. Tamang-tama, excited na rin akong itayo ang christmas tree. Kaya naman pagdating ko sa aking villa ay nag-dinner na agad ako at pagkatapos ay inutos ko na sa mga tauhan kong lalaki na igayak na ang christmas tree ko.
"Sir, heto na naman bang lumang-lumang christmas tree ang itatayo mo ngayong taon?" tanong ni Pojo na personal assistant ko dito sa private village ko. Siya na ang kasa-kasama ko dito nitong nagdaang sampung taon. Sa lahat ng tauhan ko ay siya lang ang nag-iisang close at pinagkakatiwalaan ko.
Kinunutan ko siya ng noo. "Taun-taun, ganiyan
