Nakaupo nang tuwid at walang kakurap-kurap kong pinanood ang pagkain ni Sir Kiro.
Pagkain na po iyong kasalukuyan niyang kinakain at hindi na po ako.
Nandito pa rin kami sa silid niya at kasalukuyan siyang nakaupo paharap sa mesang kinalalagyan ng mga pagkaing dala ko.
Siya pa nga mismo ang kumuha ng mga iyan kanina sa labas nitong silid niya matapos iyong... basta matapos iyong nangyari.
Tulala kasi ako kanina at parang adik sa sobrang high! Ilang sandali rin bago ako makabawi ng lakas at bumalik sa katinuan ko.
Gusto ko nga sana umalis na agad pero inutusan niya akong maupo at hintayin siyang matapos kumain upang madala ko pababa ang mga hugasin.
Kaya heto ako ngayon nakatutok sa bawat subo, nguya at lunok niya ng pagkaing dala ko na sigurado akong malamig na dahil ako iyong inu
