Ngayon ang balik ni Kenzo.
Excited na ako dahil mayayakap ko na siya. Sa video call ko lang siya nakikita kaya miss na miss ko na siya kahit apat na araw lang siyang nalayo.
Tapos na kahapon ang exam ko at sigurado akong naipasa ko iyon dahil lahat ng mga lumabas ay napag-aralan ko kasama si Ma'am Delia.
Lahat din ng mga english questions at instructions ay naintindihan ko nang malinaw dahil marami akong natutunan kay Miss Lynn.
Wala na kaming tutorial session ni Ma'am Delia dahil tapos na iyong exam at tanging english tutorial na lang ang meron ako.
Medyo nababagot ako sa kakahintay kay Kenzo kaya nanood ako ng TV.
Wala rito Kiro ngayon dahil sumaglit ito sa opisina nito at tanging kami-kami lang ng mga kasamahan kong katulong ang naiwan sa bahay.
May pasok pa si Julienne kaya wal
