Matapos ang unang araw ng booth namin ay hindi na ako muling pumasok pa para makaiwas sa maraming studyante at kaingayan. Ang kinaiinis ko pa ay ang biglaang pagsikat ng gawa ko mula nang maipaskil ito sa board. Ilang studyante ang nag-post nito sa mga social media nila kaya naman ngayong gabi bago matapos ang School Festival bukas ay sadya akong pumasok ng hapon at nagpaiwan sa iba at parang isang magnanakaw na patingin-tingin sa paligid habang naglalakad palapit sa booth namin.
Ngunit nang makalapit ako ay ganoon na lamang ang gulat ko nang makitang nawawala na ang gawa ko. Hinanap ko ito sa lapag dahil baka nahulog lang ito pero kahit saan ay hindi ko na ito makita.
"Saan na napunta iyon?" Napakamot na lang ako sa ulo ko bago nanlulumong uwi sa dorm.
Hanggang sa magising kinabukas
