Nasa tapat na ako ngayon ng fashion house ng kakilalang designer ni Sir Hati. Sabado ngayon kaya’t may oras akong pumunta rito. Nag-taxi na lamang ako para mabilis makarating dito.
Humugot ako nang malalim na paghinga bago magdesisyon na maglakad papasok sa loob ng fashion house.
May sumalubong sa akin pagkabukas ko ng front door. Ginawaran niya ako ng isang ngiti bago magtanong kung may appointment ba ako. Kagaya ng sinasabi ni Sir Hati sa akin ay sabihin ko lamang ang pangalan niya. Nang marinig ito ng babae ay kaagad siyang may tinawag na pangalan.
Nalaman ko na Ria ang pangalan ng babaeng designer na kakilala ni Sir Hati. Napaisip tuloy ako, mahilig ba si Sir Hati sa mga babaeng mahilig sa fashion?
“Ikaw pala si Adira. Naitawag nga ni Hati sa akin ang pagpunta mo rito.” Ngumiti si
