Matapos kong makipag-usap kay Engineer ay hindi na ako nagtangka pang bumalik sa meeting room kung nasaan sina Hati at Averie. Pumunta na lamang ako sa area ko at naghanap ng maaaring mapagkaabalahan.
Kapag may tumatawag sa telepono ay maayos ko naman itong sinasagot. Madalas ay hinahanap si Hati at sinasabi ko na may meeting lamang ito ngayon kaya’t mamaya pa nila ito makakausap. Ang ilan naman ay nagpapa-appointment para ma-meet siya ng personal.
Napansin ko ang pagdaan ni Stella sa may area ko. Napaisip tuloy ako kung tapos na bang mag-usap sina Hati tungkol sa engagement nila? Kailan kaya ang napagkasunduan nilang date? Bakit ba iniisip ko pa ang tungkol doon? Geez.
Nang sumapit ang hapon ay dali-dali akong nag-ayos ng aking gamit upang makauwi. Kailangan kong makaalis dito bago pa
