ARRIANE'S POV
SIMULA nang araw na bastedin ko si Dave ay hindi na ito muling nagpakita sa akin. At aaminin kong inaasam ko na sana bigla siyang sumulpot sa harapan ko. Siguro nga tanga ako para pakawalan ang isang kagaya niya, pero kapag naiisip kong hindi ako bagay sa kaniya nawawala ang pagsisising nararamdaman ko.
Pinilit ko na lang abalahin ang aking sarili, nagpapaka-busy ako sa aking trabaho para hindi ko siya maisip o maalala man lang. Pero sa tuwing tapos na ang trabaho ko muli siyang babalik sa isip ko.
Hindi na siya nagpapakita sa akin, lagpas isang linggo na, dapat maging masaya na ako kasi hindi na siya nangungulit pero kabaliktaran ang nararamdaman ko. Nalulungkot ako, kasi walang nagpapangiti sa akin, walang naghahatid, walang nagsusundo, walang bumabanat ng mga nakakak
