Dave's pov,
-
-
Kanina pa ako parang tanga na nakatambay dito sa labas ng accounting department. Hindi ko alam kung papasok ba ako o aalis na lang. Parang biglang nabahag ang buntot ko. Gustong-gusto kong kausapin si Arriane pero tulad ng sinabi ni Ate Niks umiwas nga ito pagkatapos ng insidente sa Bar.
As in iwas na iwas. Parang mas gusto ko pa nga iyong inaaway niya ako kaysa ganito na hindi kinakausap. At least kahit inaangilan n'ya ako nagagawa kong makalapit sa kaniya. Pero ngayon, wala talaga, as in para akong hangin sa harap nito.
Hindi ko naman ito masisisi dahil mali naman talaga ako. Sinabi kong liligawan ko ito pero nakita ako nitong may kasamang iba. Hindi ko man sinadyang gawin iyon, pero alam kong mali pa rin iyon dahil nagpaalam na ako sa magulang at kapatid niya na
