CHAPTER - 15
Dahil sa kagustuhang makatating at makabalik agad sa Baguio ay hindi na inalintana ni Pierce ang pagod niya mula sa biyahe. Manila to Baguio then Baguio to Bontoc, Mt Province. Hindi rin biro ang bumiyahe ng tuloy-tuloy pero lahat ng iyon ay baliwala para sa binata.
" Anong oras pa lamang Abrasado aba'y hindi ka na yata natulog ah." Kantiyaw ni Darrell dito ng tumawag ito na paalis na sila.
" Natulog naman ako Arellano aba'y sinong tao ang hindi matutulog. Bilisan mo na lang diyan ng maaga tayong makabiyahe. Mamaya eh aabutin pa tayo ng usad pagong sa biyahe." Very active and alive na sagot ni Pierce over the telephone.
" Tsk! Tsk! Palusot pa eh. Siya sige daanan mo ako dito sa bahay at maliligo lang ako." Sagot ni Darrell na parang nakikit
