“KUMUSTA na po ang pakiramdam ninyo?” usisa ni Kaye sa kanyang biyenan nang magkamalay ito ng tanghaling iyon.
“M-maayos na rin. Kailan pa ba ako nandito sa ospital?”
“Kagabi pa po, ‘Ma. Nagpunta na po dito si Railey kagabi. Nakausap ko na rin po si Raizer,” paliwanag ni Kaye.
“Iyong walanghiyang babae, nasaan na?”
Nakagat ni Kaye ang ibabang labi. “Huwag po muna ninyo siyang isipan, ‘Ma. Makasasama lang sa kalagayan ninyo. Ang sabi po ni Raizer, kakausapin daw niya ito. Kaya huwag na ninyo siyang alalahanin.”
Napaismid ang matanda. “Kahit ayaw ko siyang isipin, hindi ko pa rin makalimutan ang ginawa niya.”
Napa-buntonghininga si Kaye. “Hayaan po ninyo, sasabihan ko ang mga tao sa resort na huwag siyang papasukin doon. Pinagbawalan ko na nga rin siyang magpunta kahit sa bahay,” katu
