“KUMUSTA KA na, bro?” nakangiting bati ni Xyrus nang lumapit ito kay Raizer.
Nasa His Vineyard Restaurant sila ng oras na iyon. Inimbitahan ito ni Raizer para sabay silang mag-lunch.
“I’m okay,” nakangiti ring tugon ni Raizer.
Umupo si Xyrus sa tapat niya. “Mag-order na tayo ng pagkain. Nagugutom na kasi ako,” wika nito bago tumawag ng waiter.
Lumapit naman ang waiter at inabutan sila ng menu card. Pagkatapos nilang masabi ang kanilang order ay umalis din ito agad.
“So, anong pag-uusapan natin ngayon?” usisa ni Xyrus pagkaalis ng waiter.
“Bakit ang lakas ng radar mo? Paano mo naisip na may pag-uusapan tayo?” curious na tanong ni Raizer.
“Wow! Nagtanong ka pa talaga, ha? Hindi naman siguro tayo magiging magkaibigan mula kinder hanggang ngayon kung hindi kita kilala. Hindi mo ako tat
