TINITIGAN siya ni Xyrus nang diretso sa mata. “Kung ako ang tatanungin mo, pipiliin ko iyong pangalawa. Mas maraming magandang bagay na puwedeng mangyari kapag pinili mo iyon. Baka bigla kang ma-in love kay Kaye. Tapos puwede rin kayong magkaanak. Kapag nangyari iyon, may pamilya ka ng mabubuo pagkatapos ng anim na buwan. Kung sakali naman na hindi mangyari ang dalawang bagay na iyon, at least sinubukan mong ayusin ang pagsasama ninyong dalawa. Wala kang pagsisisihan kasi sinunod mo naman ang kagustuhan ng mama mo. Binigyan mo rin ang sarili mo ng pagkakataon para mapalapit sa iyong asawa. Iyon nga lang, tulad ng sabi nila, hindi natuturuan ang puso dahil kusa itong tumitibok.”
Kumurap si Raizer ng ilang beses. May punto naman si Xyrus. Bakit nga ba hindi niya subukang sumugal? Wala siyan
