KABABABA lang ni Kaye sa sasakyan nang marinig niya ang maingay na sigawan sa loob ng kanilang bahay. Napatingin siya kay Manong Lito.
“Manong, kilala po ba ninyo ang boses na nagsisigawan sa loob?” usisa niya.
Umiling ang matanda. “Hindi ko po kabisado, Ma’am,” tugon nito.
Napaismid si Kaye. Ibig sabihin baka mga kasambahay siguro ang nagsisigawan. Wala naman kasing ibang tao sa loob ng kabahayan maliban sa mga ito.
Kagabi pa umalis si Raizer dahil nagpunta ito sa Singapore. Dadalo ito sa isang convention pagkatapos ay may kakausapin na prospect investor kaya matatagalan bago ito makabalik. Pinapasama pa nga siya nito kaya lang ay hindi siya pumayag dahil sa trabaho niya. Baka daw kasi abutin ito ng dalawang linggo o kaya ay isang buwan bago ito makabalik.
Pero hindi talaga siya
