*Simon's POV*
"Mama, Papa." Umiiyak na tawag ko sa kanila.
Isiniksik ko ang maliit na katawan ko sa loob ng madilim na closet. Ayokong makita ang ibang tao. Ayokong kausapin ang kahit sino. Gusto ko lang magisa...
Miss ko na ang mga magulang ko. Gusto ko silang makita. Pero kahit anim na taon palang ako. Alam kong impossible na ang gusto ko. Impossible nang makita ko pa sila. Iniwan na nila ako. At hindi na sila babalik pa. Ako nalang ang magisa.
"Simon?" Narinig kong tawag sa akin mula sa labas ng closet.
Lalo kong isiniksik ang sarili ko sa loob. Niyakap ko ang mga tuhod ko at isinubsob ang ulo ko sa roon.Pinigil ko din ang pagiyak ko.
Ayokong makita siya. Bakit kasi ang kulit niya! Ayaw akong tantanan...
Bumukas ng bahagya ang pinto ng closet. Iniangat ko ng kaunti ang ulo ko at
