*Jeanine's POV*
Dahan dahan akong nagmulat ng mga mata at sinapo ang ulo ko ng makaramdam ako ng pagkahilo.
Parang umiikot ang paligid ko kaya ipinikit ko ulit ang mga mata ko at pinakiramdaman ang sarili ko.
Kumunot ang noo ko ng maramdaman ko ang malamig na sahig sa likod ko.
Asan ako? Nakatulog ba ko sa sahig? Hindi naman ako malikot matulog ah.. wag mo sabihing nahulog ako sa kama ko? At saka bakit parang ang sakit ng ulo ko.
Nagmulat ako ng mata ng makarinig ako ng ungol sa tabi ko. Mabilis akong bumaling doon at medyo umikot ang paningin ko sa mabilis na pagkilos ko.
Pumikit ulit ako at hinilot ang sentido ko. Huminga rin ako ng malalim bago dahan dahang dumilat.
Unti unting nagfocus ang mga mata ko at nakita ko si Tin.
Nakahiga rin siya sa sahig gaya ko at sinusubukang umupo
