*Jeanine's POV*
Lutang ang isip ko ng tumanaw ako sa labas ng bintana. Tinatamad na nangalumbaba ako sa mesa at pinanood ang mga ibon sa labas habang isa isa silang lumilipad at palipat lipat sa sangga ng puno sa tapat ng bintana ko.
Maaliwalas ang panahon sa labas at parang buhay na buhay ang gubat sa labas ng gusali kung nasaan kami.
Habang pinapanood ko ang mga ibon, unti unti namang nanunumbalik sa akin ang mga sinabi ni Teresa sa aming apat kahapon.
Ang mga bagay na nakalimutan namin mula ng dumating kami dito sa Academy at ang tungkol sa paghahanap namin sa apat pang natitirang portal.
Patago pa nga kaming pumasok sa loob ng Great library kagabi para lang tingnan ang sinasabi niyang clue.
At ayun nga... nakita mismo ng dalawang mata ko ang kakaibang nangyari sa simbolong nakita
