MABILIS na lumipas ang mga araw, linggo, buwan hanggang sa naging taon. Nanatili si Shine sa tabi ni Justin at halos doon na siya sa bahay ng mga Aragon nakatira. Walang araw na hindi niya nakakasama ang binata dahil kahit off niya sa trabaho ay sinasamahan siya nito kahit saan siya magpunta. Madalas din ito sa bahay ng kanyang tiyahin kapag umuuwi siya roon.
Bumuti na ang kalagayan ni Justin at nakakaya na nitong matulog nang mag-isa sa kuwarto. Malaki na ang ipinagbago ng kondisyon nito at tinantanan na ito nang masamang panaginip pero may mga pagkakataong nakikitulog pa rin si Justin sa silid niya. Pero kadalasan ay tinatanggihan niya ito lalo na at mas naging clingy ito sa kanya.
Sobrang dumikit sa kanya ang binata at hindi nito itinatago sa kanya ang paghangang nararamdaman nito lal
