Cierra Maureen's Pov
"Sabi sa akin ng papa mo, binibigyan mo raw ng bento box si Ynah." Napatingin ako kay Minton na bigla na lang sumulpot sa gilid ko at binalik ko rin kaagad ang tingin ko sa nilalakaran papalabas ng nursing department.
Wala kaming klase kay sir Francoise dahil biglang nagkaroon ng emergency meeting ang mga professor kaya para naman akong lantang gulay. Nagkita naman kami kanina ni sir Francoise dahil inabutan ko siya ng panibagong bento box pero saglit lang 'yon.
Bakit ba naman kasi nagtapat pa sa oras ng klase namin kay sir Francoise ang meeting. Nakakainis naman!
"Hindi ko alam na marunong pa lang magsinungaling ang butihing anak ni tito," natatawang sambit niya.
"Ano bang pinagsasabi mo diyan? Umalis ka na nga. Kanina ka pa inaantay ng mga kaibigan mo," asik k
