"Kuya!"
Napangiti si Nigito nang maalala ang pagtawag sa kanya ni Yuri. Muli kasi niyang naalala ang mga masasaya nilang sandali rito, sa f*******n Island. At ngayon, ilang sandali na lang at makikita na niya 'tong muli.
HINDI ko man nakuha ang rare item sa Ichi Island... may mga mahalagang bagay naman akong natutunan dito. Ang katotohanang hindi pa ako malakas gaya ng iniisip ko. Marami pang higit na mas malakas na players, at marami ring monsters ang hindi ko pa kayang talunin...Ito ang nasa isip niya nang muling makarating sa f*******n Island.
"Maswerte rin ako at may ganitong item akong nabili," sabi pa niya sa sarili habang tinitingnan ang Revival Stone na nasa kanyang palad.
"Nigito, girl ba 'yang bubuhayin mong player?" tanong ni Nami.
"Oo," nakangiting tugon naman ni Nigito.
