NARATING na ng grupo nina Nigito ang pampang. Salamat sa pagkapanalo ni Asuna. Sa pag-usad nga ng Red Shark ay may nadaanan pa sila mga umuusok na dalawang submarines. Mukhang ito ang nakita nilang sumabog kani-kanina lang. Napansin din nila ang emblem at sa World Society iyon. Mukha ring may isang laban na nangyari... at kung sino man ang may kagagawan nito ay wala silang kaalam-alam. Minabuti na lang nilang iwasan at hindi na pansinin ang mga nangyari roon. Umiwas sila para sa ikabubuti nila.
"Ano kayang nangyari ro'n?" tanong ni Asuna sa mga kasama niya. Papasok sila sa isang hindi kalakihang gubat.
"Isa lang ang sure. Malalakas ang nakalaban ng taga-World Society. Biruin n'yo... nawasak nila ang dalawang malaking submarines," sabi naman ni Kaji.
"Baka isa ring guild ang nakalab
