GULAT na gulat ang lahat nang matapos ang huling laban sa group B. Sa loob ng 15 seconds, tinapos agad ni Death Suzano ang laban. Tinalo nila ang isa pang vice captain ng Ursus na si Amadeus Mohhamad. Isang sword user.
Nang mag-umpisa ang laban ay bigla na lang naglaho si Death. Nakita ng lahat kung paano mapaatras si Amadeus kaso, hindi nila makita ang pag-atake ng kalaban nito. Hindi nakabawi ang vice captain ng Ursus, bumaba sa 1% ang HP nito. Wala man lang itong nagawa. Wala, mula sa player na napakabilis.
"Masyado pa akong mabagal... kailangang mas mabilis pa para mag-kampeon ako rito..." seryosong sabi ni Death habang naglalakad papalabas ng battle arena.
Samantala, napangisi na lang si Nigito sa kanyang napanood.
"Upgraded Agility boots... nagbibigay ng 50% sa Agility, movement
