BUMAGSAK mula sa kinatataguan ang tatlong players na nakamasid sa grupo nina Nigito. May kalayuan ang mga iyon ngunit hindi sila nakalampas sa mga palaso ni Gyaco. Nagsimula na uli silang maglakad. Ilang kilometro na lang at mararating na nila ang Xander's Village. Ito ay ang lugar bago ang paanan ng Ayer's Wall.
Pero dahil na nga sa pagiging tanyag ng ilan sa kanila, heto na naman sila. May mga bounty hunters na namang kakaharapin.
"Kanina pa tayo nilang sinusundan. Mukhang aatake na sila," sabi ni Gyaco na muling tumalon papunta sa itaas ng puno na malapit sa kanila.
"May isang grupong nasa sampu ang miyembro ang papalapit mula sa unahan natin at nasa dalawampu naman ang nasa likuran natin," wika naman ni Kinji na agad inihanda ang kanyang dalawang palakol.
"Mukhang mapapalaban tayo.
