IWINASIWAS ni Tobi sa hangin ang kanyang dalawang Katana. Sa ginawa niyang ito'y nakaramdam siya ng pananabik sa mangyayaring laban. Gusto niyang malaman kung gaano kalakas ang isang ultra-rare monster, kung kaya ba niya itong talunin o kung gaano ba siya makakatagal dito.
Bumaba na rin sa Battle Arena ang makakasama niya sa laban. Ang swordman na si Ren Omiro (Level 39). Katulad ng 'lagi niyang kasamang si Maki Belzebub, bihira rin siyang gumamit ng skill 'pag napapalaban ang kanilang party group. Madalas lang na puro hit ang ginagawa nila dahil alam nila na malalakas ang kanilang kasama. Ngunit sa pagkakataong ito'y wala na siyang mapagpipilian kun'di ipakita ang kanyang mga skills para matalo nila ang round na ito.
"Hindi mo ba aalisin ang maskara mo?" tanong ni Ren kay Tobi. "Baka ma
