MATAAS din ang binagsakan nila Nigito. Nakaligtas nga sila sa galamay ng «Sand Annihilator» dahil sa «Frozen Sword» ni Echiro subalit hindi naman nila inaasahang may isa palang underground village sa ilalim nito.
Napakaluma na ng mga kabahayan, parang sinauna ang itsura ng lahat dito. May lawak din ang lugar na ito subalit walang ibang player o kahit mga SH na makikita rito.
"Anong lugar ito?" tanong ni Heart Brain.
Walang lumabas na data sa map nila. Mukhang isang unknown spot ang lugar na ito.
Ang pinoproblema nga nila ay ang mga naiwan sa taas. Si Nigito, naisip si Asuna, alam niyang nag-aalala na ito. Hindi rin kasi nila ma-contact ang mga ito. Hindi rin nila ma-trace ang tatlo sa taas.
Napakataas ng mga batong kisame na tinitingnan ni Nigito. Bumubukas ito 'pag may nahuhulog at a
