"Gaano na kayo katagal ni Tiger?"
Muli akong napalingon kay Mailey sa rearview mirror.
"Ahm, magdadalawang buwan na rin," sagot ko.
Kahit hindi ko siya trip kausapin, hindi naman pwede na basta ko siya i-snob-in, kaibigan pa rin siya ni Tiger. Baka sumama pa ang tingin niya sa 'kin.
"Bago lang pala kayo pero lagi ka ng nababanggit sa 'kin ni Tiger kapag magkatawagan kami," nakangiting sabi niya.
Agad na napataas ang isang kilay ko sa sinabi niya. Tumingin ako kay Tiger para tingnan siya ng pamatay na tingin pero abala naman siya sa pagmamaneho at parang wala lang sa kanya ang sinabi ni Mailey kahit kumukulo na ang dugo ko rito.
Ibig sabihin lagi silang magkatawagan?! Aba, ang sarap manakal ha.
"By the way Tiger, can I stay at your unit just for tonight?"
Natigilan ako sa tanong n
