“Sabi na eh.”
Napangisi na lang ako at napailing habang nakatingin sa kanya. Hindi naman siya nagpatinag at seryoso lang na nakatingin sa 'kin.
“Hindi ko gustong makipag-away sa 'yo Ailee, sa 'yo na si Tiger diba? Ang gusto ko lang makipag-ayos ka na sa kanya.”
Natahimik ako sa sinabi niya. Hindi ko alam kung dapat ba akong magtiwala sa mga salita at ipinapakita niya. Wala akong ni katiting na tiwala sa kanya lalo ngayon na sigurado na akong may nararamdaman siya para kay Tiger.
“B-bakit mo mahal si Tiger?”
Tipid na ngumiti lang siya saka uminom ng tubig bago sumagot.
“Wala na akong mga magulang Ailee, siya na lang ang meron ako. Tinulungan niya ako, siya ang laging nandyan para sa 'kin,” sabi niya habang nakatingin sa baso.
Napalunok ako at napaiwas ng tingin sa kanya. Kitang kit
