KEEP YOU WARM
Dapit-hapon na at ang lahat ay patuloy pa rin sa kasiyahan. Kakaalis lang ng Señora para umuwi na sa mansion at magpahinga.
Samantalang ako ay magiliw lamang na pinagmamasdan ang mga taong nagkukumpulan. Umihip ang malamig na hangin at medyo nangilkig ako sa ginaw.
Si Anthony ay hindi ko mahagilap. Siguro ay may pinuntahan din o di kaya ay nasa paligid lang. Sasabay na lamang ako sa mga tauhan ng mansion pag-uwi nila mamaya.
Naisipan kong maglakad-lakad. Balak kong galain ang kasuluk-sulukan ng lupain ng mga dela Silva. I'll just make sure na hindi ako lalayo para hindi ako mawala. Baka abutan pa ako ng dilim.
May nakikita akong makitid na pathway pababa habang papalayo ako. Tinunton ko iyon at hinayaang dalhin ako ng aking mga paa. Habang papalayo ako ay papalapit nam
