Tatiana’s POV
“Ipagpatuloy mo lang ‘yan, anak,” masayang sabi ni mama pag-uwi ko sa amin kinabukasan. Natawa naman ako. Sa lahat na anak na umaga nang umuuwi sa bahay, si mama lang ata ‘yung nag-iisang masaya na sa ibang bahay ako natulog.
Siguro nga ay dahil botong-boto siya kay Grigori para sa akin.
Tulog pa nga si Grigori nang magising ako kanina. Tapos, yakap na yakap pa rin siya sa akin nung magising ako. Ang init ng katawan niya ay patuloy na nasa kaniya kahit na nanlalamig na ako dahil sa aircon ng kuwarto niya. Ang sarap makulong sa matipunong katawan ni Grigori habang natutulog ka. Napahimbing nga ako ng tulog, hindi ako naaalimpungatan kasi ang init talaga ng katawan niya, tapos ‘yung mukha ko nakasandal sa matipuno niyang dibdib. Lalaking-lalaki ‘yung amoy ng katawan niya gaw
