Tatiana’s POV
Kanina pa ako excited umuwi. Kanina pa kating-kati ang mga paa ko na puntahan at kausapin si Vero. Gusto kong malaman kung bakit sinaktan niya ang tatlong bruha kong estudyante. Kaya pagkatapos ng klase, kahit hindi pa ako nagbibihis ng uniform ko, tumuloy agad ako sa bahay nila.
Nadatnan kong pasakay na siya sa kotse niya. Nang makita niya ako, agad niya akong sinenyasan na lumapit sa kaniya.
“Tamang-tama, papunta na dapat ako sa inyo para sunduin ka kasi alam kong nakauwi ka na ng ganitong oras.”
Pinapasok niya ako sa loob ng sasakyan niya. Pag-upo ko sa loob, binaba ko ang dala-dala kong laptop at bag sa likod ng sasakyan niya. Pagkatapos ay in-start na niya ang engine ng sasakyan niya.
“Sandali, Vero. May itatanong ako sa iyo kaya nagkusa akong pumunta sa iyo.” Napa
