"Becca, may mga bago na naman tayong mga bata. Fresh meats.”
Naririnig niya ang sinabi ni Shirley ngunit hindi niya magawang ituon dito ang pansin. Abala siya sa pag-input ng data sa computer. Mga profile iyon ng mga bata sa orphanage na pinaglilingkuran niya. Katatapos niya lang din gumawa ng financial report sa nakaraang buwan. Isang pindot ng save key sa desktop na gamit at saka lang siya tumayo at tinabihan si Shirley na nasa tapat ng bintana, hinahawi ang kurtina para matitigan ang mga batang pinabababa sa lumang L-300 van. Service iyon ng orphanage. May mga sampung bata na naman ang madadagdag sa kanila. Mga batang kung hindi maagapan at maililigtas ay baka mapariwara sa lansangan.
“Halika muna at salubungin natin.” Hinila na niya ang babae.
“Hindi ka talaga nakukuntento na tinat
