Nagising sa mahihinang mga katok si Ace, napamulat siya madilim na pala sa paligid. Napatingin siya sa nakaunan pa rin sa kanyang braso na si Sailor. Madilim na kaya naman hindi niya ito maaninag ng maayos. Masarap pa rin ang tulog nito patunay ang malakas nitong paghilik. Dahan-dahan niyang inalis ang pagkakaunan nito, napangiti naman siya ng matagumpay na maalis ang ulo nito. Talagang pagod na pagod ito dahil sa ilang beses nilang pagniniig kanina. Kung nagising nga lang ito baka may namagitang muli sa kanila.
Bubuksan sana niya ang ilaw ngunit minabuti niyang wag na lamang dahil baka magising ito. Naulinigan niya na lumayo na si Nanay Salud, mabuti na lamang para wala na itong tanong-tanong pa. Hindi naman nito alam na nasa loob siya ng silid ni Sailor, hindi naman kasi nito ugali na
