"Walang-hiya kayo! Bitawan n'yo kami!" sigaw ko.
Halos halikan ko na ang semento dahil sa pagdukduk sa 'kin ng kaibigan ni Cyndi. Hindi ko akalain na makikialam sila sa away namin ni Cyndi. Nagsama pa naman ako ng back up ko para may tumulong sa 'kin saktan si Cyndi pero kami pala ang masasaktan sa huli.
"Ang kapal ng mukha n'yong saktan ang kaibigan namin!" sigaw ng babae na may pinakamalaking puwet at balakang.
Ang akala ko kanina mga katulong ni Cyndi ang kasama niya sa van. Hindi ko inakala na kaibigan niya ang kasama niya.
"Girls, tama na 'yan," sabi ni Cyndi sa mga kaibigan.
Galit na galit ang tatlo samantalang si Cyndi ay kalmado lang habang inaawat ang tatlong kaibigan niya. Sa itsura ng tatlo mukhang totohanin nilang maghiram kami ng mukha sa aso, mabuti na lang ay may umawa
