Tinakpan ko ang tainga ko upang hindi ko marinig ang sinasabi ni Mommy at Papa Romano sa akin. Paulit-ulit kasi nilang ipinapaliwanag sa akin ang kasinungalingan tinahi ni David sa kanila. Paano ako maniniwala na kinidnap siya kung sa araw-araw ay post niya ang nakikita ko. Kung totoo ang sinabi niya bakit ngayon lang siya tumakas? Bakit hindi siya gumawa ng paraan para makatakas? Hinayaan lang niyang mangyari ang lahat ng plano ni Karina. Isang malaking kalokohan.
Tumayo ako. "Stop!" Sabay taas ko ng kamay bilang pagprotesta.
Nagkatinginan silang dalawa. "Cyndi, makinig ka muna sa akin," wika ni Mommy.
Tumingin ako kay Mommy. "Mom, hindi n'yo na kailangan pagtakpan si David dahil wala na akong pakialam sa kanya."
"Pero siya pa rin ang asawa mo."
Pilit kong tinago ang mga luha ko. "Ba
