ILANG-BESES kong pinagmasdan ang itsura ko sa salamin. Suot ang aking white dress na pinasadya ko pa sa isang sikat na wedding designer. Sa unang tingin ay hindi mo mahahalata na mahahalin siya dahil napakasimple lang ng disenyo niya ngunit kapag lumapit ka na masasabi mong sobrang ganda.
Inakbayan ako ni Mommy sa balikat. Bakas sa mukha niya ang kaligayahan. Ilang beses ko na rin siyang nakita na umiiyak habang nilalagyan ako ng makeup kanina hindi dahil ayaw niya sa makeup kung hindi dahil masaya siya dahil ikakasal na rin ako.
"Handa ka na ba?" tanong niya sa 'kin.
Tumango ako. "Handang-handa na akong magpakasal. Mom, sorry, kung hindi natuloy ang plano n'yong pagpapakasal ni Tito Romano."
Marahan hinaplos ni Mommy ang mukha ko at ngumiti siya sa 'kin. "Huwag mong intindihin 'yon da
