PINAGMASDAN NI MATTHEW ANG abalang si Zenna habang tinutulungan ni Lilet na ayusin ang sala. Dalawa sila ng dalagang namili ng mga gamit sa bahay. Lihim siyang napangiti. May kung anong kasiyahan ang puso niya nang makalipat ang mag-ina niya sa kaniyang condo.
Pakiramdam niya ay isa nang tahanan ang kaniyang bahay. Hindi na tulad nang mag-isa siya—malamig at may kulang.
Karga si Nate ay lumapit siya kay Zenna.
“ Hindi pa kayo tapos? ” tanong niya.
Lumingon sa kanila ang dalaga. Gustong magpakarga rito ni Nate pero hindi ibinigay kay Zenna. May kabigatan kasi ang anak at ayaw niyang laging nagpapakarga ito sa Mommy nito.
“ Just kiss Mommy, son. Pagod ang si Mommy, ” ani Matt sa anak pero nagpumilit ito at biglang umiyak.
Nangingiting kinuha ito ni Zenna mula sa kaniya nang mak
