NASA HARAP NG LAPTOP si Zenna at abala pa rin sa mga iniuwing trabaho mula sa opisina nang sunod-sunod na tumunog ang notifications niya sa f*******:. Hindi niya iyon pinansin pero nakuha rin ang atensyon niya nang hindi tumigil ang pagtawag ni Arianne sa kaniyang Messager.
Dinampot niya ang mobile phone at sinagot ang videocall.
Malakas na tili ni Arianne ang sumalubong sa kaniya, halos mabitawan niya ang cellphone.
“ My God, Zenna! Kaya pala iniuwi mo ang mga trabaho mo dahil ayos na kayo ni Sir. My God, naol may katulad niyang Daddy! ”
Napanganga siya sa sinabi ni Arianne, ni wala siyang maintindihan sa mga pinagdadaldal nito.
“ Happy family na pala kayo, ni hindi mo ako binalitaan. Araw-araw naman tayong nagkukuwentuhan, ah, grabe ka. Kung di pa nag-upload si Sir, hindi ko malalam
