“ HERE comes the rumor queen, ” nakaismid na wika ni Arianne habang nasa gawing pintuan ang atensyon.
Hindi niya napigilang sundan ang hinayon ng tingin nito. It was Yvette, in her dramatic entrance. Umiimbay ang malaking balakang na tila beauty queen sa mga telenovela. She was dressed too short and revealing. Halos lumuwa na ang malulusog nitong dibdib sa baba ng neckline ng suot na dress.
Hindi niya napigilang mapangiti. Hindi niya alam kung bakit asar na asar dito si Arianne. Pero kung susuriing mabuti ang dalawa, para silang magkabilang dulo ng stick. Hindi puwedeng magsalubong. They’re the perfect opposites.
Si Yvette ang tipong liberated, sa pananamit, pagdala sa sarili at pananalita. Ito ay isa sa mga taong walang filter ang bibig. Habang si Arianne naman ang tipo ng babaeng k
