ELLA
MATAPOS ANG mahigpit na yakap ni Lolo Carlos sa amin ni Vincent, hindi maipagkakaila ang ligayang nakalarawan sa mukha niya nang pakawalan kaming dalawa.
“Talaga bang okay na kayo?” Paniniguro nito kapagkuwan.
Muli kaming sabay na tumango ni Vincent na lalong ikinalaki ng mga ngiti nito.
“Hindi n'yo alam kung gaano n'yo ako pinasaya ngayon. Natutuwa ako dahil maayos na kayong dalawa. Nakakairita lang dahil hinintay n'yo pa akong ma-stress bago kayo magkasundo na dalawa. Paano pala kung natuluyan na ako sa pagkakahimatay ko noong nakaraan, hindi ko na sana nakita na magkaayos kayo.” Nahalinhan ng lungkot ang masayang mukha nito kanina lang.
Inakbayan ito ni Vincent. Nakaharap ang mag-lolo sa akin.
“Sorry na, Lo. Basta, huwag na kayong ma-stress dahil okay na kami ni Ella. Si
