ELLA
“SAAN KO BA NAILAGAY IYON?” Naisatinig ko habang hinahanap ang cellphone ko.
Kanina ko pa iyon hinahanap dahil hihingi sana ako ng tulong kay Valeen para makaalis sa bahay ng kapatid niya. Pero nahihilo na ako sa kahahanap, hindi ko pa rin makita. Pilit kong inalala kung saan ko ba iyon nailagay kahapon. Hindi ko matandaan kung dala ko ba iyon nang isama ako ni Edison sa bahay na ‘to o hindi.
Mariin akong pumikit at pinaka-isip-isip kung saan ko iyon posibleng naiwan o nailagay. Wala naman dito sa bahay ng lalaking 'yon dahil nakailang ulit na akong ikutin ang bahay niya.
“Tss! Saan ko ba naiwan iyon?” Ang alam ko nasa akin pa iyon nang sapilitan akong isama ni Vincent sa opisina ni Atty. Velasco.
“Hindi kaya naiwan ko sa opisina niya? Kaso kung doon ko nga naiwan, paano ko ma
