IKASAMPUNG KABANATA
Nagmamadali ang bawat hakbang ko. Nakarating ako sa pasilyo. ‘Yung ibang kasamahan ko na nakakausap ko rito sa shelter ay nahahalata kong umiiwas sa akin na siyang ipinagtataka ko.
‘Yung kumpol naman kung saan kasali si Carlotta ay napatitig lahat sa akin at kapagkuwan ay tinapunan ako ng parang nadidisgusto na tingin bago bumalik sa bulung-bulungan nila. ‘Yung tingin ni Carlotta ‘yung pinakamatalas na para bang pinagtaksilan siya.
Napapahiya akong nagbaba ng tingin at ipinako ko ang tingin sa aking mga paa habang naglalakad.
They are judging me based on their expressions. Alam ko ang ganoong uri ng titig. Ganoon din ang naranasan ko mula sa mga babaeng katrabaho ko sa resort dati noong nalaman nilang nagkakapalagayan kami ng loob ni Finn.
Pero ayaw ko nang isip
