Chapter 33
Para akong nasagasaan ng malaking truck dahil sa sobrang sakit ng katawan ko. Napadaing ako nang sinubukan kong bumangon, agad kong nasapo ang noo ko dahil sa pagkislot ng ulo ko. Mariin kong ipinikit ang aking mga mata at marahas na bumuntong hininga. Wala na si Creed sa tabi ko, at tila ba walang nangyari sa kwarto dahil sobrang linis nito. May saplot na rin ako, siguro ay dinamitan ako ni Creed.
Kahit sobrang sakit pa rin ng katawan ko ay pinilit kong bumangon at tinungo ang banyo. Naghilamos ako at nagtoothbrush. Pagkatapos kong maiayos ang sarili ko ay tinungo ko na ang daan palabas. Siguro ay hinihintay na ako ni Haru ngayon.
"Mommy!" Mabilis na lumapit sa akin si Haru nang makita niya ako. Sabi ko na nga ba siya agad ang bubungad sa akin. "Good morning, Mommy!" Bahagya
