Chapter 61
KRYST
Kinabukasan nagising ako mula sa malakas na pagkakakatok ni Mama.
"Kryst! Bumangon ka na, tanghali na! Lunes na lunes nakahilata ka pa riyan!" panay ang pagkakakatok ni Mama na akala mo naman end of the world na, kaya naman wala akong choice kundi ang bumangon kahit na antok na antok pa ako at gusto ko muna sanang humilata. Minsan talaga panira ng tulog si mama.
"Gising na ako, Ma! Maghihilamos lang po!" sigaw ko pabalik saka ko tinahak ang aking banyo na para bang isang zombie.
Nang masigurong okay na ang pustura ko ay bumaba na ako. Hihikab-hikab ako habang naglalakad pababa sa hagdan. Rinig na rinig ko na agad ang boses ni Mama na akala mo laging may kaaway dahil sa sobrang lakas nito, buti na lang talaga ay walang nagrereklamong kapitbahay.
"O siya kumain ka
